LEMOKS 500 №10 (Ko'proq)

Asosiy sahifaga o'tish Infekciyalar LEMOKS 500 MG №10 (Ko'proq)
Buyurtma berish
 
NEW
(0 ovoz)
0 руб.
Buyurtma berish
​​​​​​​Preparatning savdo nomi: Lemoks
Taʼsir etuvchi modda (XPN): levofloksatsin.
Dori shakli: tabletkalar
Поделиться

Tarkibi:

Preparatning bir qobiq bilan qoplangan tabletkasi quyidagilarni saqlaydi:

Faol modda: 500 mg levofloksatsin (gemigidrat shaklida);

Yordamchi moddalar: mikrokristall sellyuloza, krospovidon, gidroksipropilmetil-sellyuloza, magniy stearati, stearin kislotasi, talk, kremniy dioksidi, qobiq uchun kukun.

Taʼrifi: pushti rangli, choʻzinchoq shaklli, ikki tomonlama qavariq, qobiq bilan qoplangan tabletkalar.

Farmakoterapevtik guruhi: antibakterial vosita (ftorxinolonlar guruhi).

ATX kodi: J01MA12.

 

Farmakologik xususiyatlari

Ftorxinolonlar guruhiga mansub keng taʼsir doirasiga ega mikroblarga qarshi bakteritsid vosita. DNK-giraza (topoizomeraza II) va topoizomeraza IV ni bloklaydi, DNK sintezini susaytiradi (ingibitsiya qiladi), sitoplazmada, xujayra devorida va membranalarda chuqur morfologik oʻzgarishlarni chaqiradi. Levofloksatsin xam in vitro, xam in vivo sharoitida mikroorganizmlarning koʻpchilik shtammlariga nisbatan faoldir.

In vitro

Sezgir mikroorganizmlar (MPK ≤ 2mg/l):

Aerob grammusbat mikroorganizmlar: Corynebacterium diphtheriae, Corynebacterium striatum, Enterococcus faecalis, Enterococcus spr, Listeria monocytogenes, Staphylococcus coagulase-negative methi-S/I (metitsillinga sezgir/oʻracha sezgir), Staphylococcus aureus methi-S, Staphylococcus epidermidis methi-S, Staphylococcus spp (CNS), S va G guruhi Streptococci, Streptococcus agalactiae, Streptococcus pneumoniae peni S/I/R (penitsillinga sezgir/oʻracha sezgir/rezistent), Streptococcus pyogenes, Viridans streptococci peni-S/R.

Aerob grammanfiy mikroorganizmlar: Acinetobacter baumannii, Acinetobacter spp., Actinobacillus actinimycetemcomitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter cloacae, Enterobacter spp, Escherichia coli, Gardnerella vaginalis, Haemophilus ducreyi, Haemophilus influenzae ampi-S/R (ampitsillinga sezgir/rezistent), Haemophilus parainfluenzae, Helicobacter pylori, Klebsiella oxytoca, Klebsiella pneumoniae, Klebsiella spp, Moraxela catarrhalis β+/β-, Morganella morganii, Neisseria gonorrhoeae non PPNG/PPNG, Neisseria meningitidis, Pasteurella canis, Pasteurella dagmatis, Pasteurella multocida, Pasteurella spp, Proteus mirabilis, Proteus vulgaris, Providencia rettgeri, Providencia stuartii, Providencia spp, Pseudomonas aeruginosa (Pseudomonas aeruginosa tomonidan chaqirilgan gospital infeksiyalar, majmuaviy davolashni talab etishi mumkin), Pseudomonas spp, Salmonella spp, Serratia marcescens, Serratia spp.

Anaerob mikroorganizmlar: Bacteroides fragilis, Bifidobacterium spp, Clostridium perfringens, Fusobacterium spp, Peptostreptococcus, Propionibacterium spp, Veillonella spp.

Boshqa mikroorganizmlar: Bartonella spp, Chlamydia pneumoniae, Chlamydia psittaci, Chlamydia trachomatis, Legionella pneumophila, Legionella spp, Mycobacterium spp, Mycobacterium leprae, Mycobacterium tuberculosis, Mycoplasma hominis, Mycoplasma pneumoniae, Rickettsia spp, Ureaplasma urealyticum.

Oʻrtacha sezgir mikroorganizmlar (MPK ≥ 4 mg/l):

Aerob grammusbat mikroorganizmlar: Corynebacterium urealyticum, Corynebacterium xerosis, Enterococcus faecium, Staphylococcus epidermidis methi-R (metitsillinga rezistent), Staphylococcus haemolyticus methi-R.

Aerob grammusbat mikroorganizmlar: Burkholderia cepacia, Campylobacter jejuni/coli. 

Anaerob mikroorganizmlar: Bacteroides thetaiotaomicron, Bacteroides vulgatus, Bacteroides ovatus, Prevotella spp, Porphyromonas spp.

Chidamli mikroorganizmlar (MPK ≥8 mg/l):

Aerob grammusbat mikroorganizmlar: Corynebacterium jeikeium, Staphylococcus aureus methi-R, Staphylococcus coagulase-negative methi-R.

Aerob grammanfiy mikroorganizmlar: Alcaligenes xylosoxidans.

Boshqa mikroorganizmlar: Mycobacterium avium.

Ichga qabul qilingandan keyin levofloksatsin meʼda-ichak yoʻllaridan tez va deyarli toʻliq soʻriladi. Qon plazmasidagi Smax ga 1-2 soatdan keyin erishiladi. Plazma oqsillari bilan bogʻlanishi - 30-40%. Aʼzolar va toʻqimalarga: oʻpka, bronxlarning shilliq qavati, balgʻam, siydik chiqarish tizimi aʼzolari, jinsiy aʼzolar, polimorfyadroli leykotsitlar, alveolyar makrofaglarga yaxshi kiradi. Yarim chiqarilishi davri T1/2 6-8 soatni tashkil qiladi. Organizmdan asosan buyrak orqali chiqariladi. Levofloksatsinning 5% dan kam qismi metabolitlar koʻrinishida chiqariladi.

 

Qoʻllanilishi

Preparatga sezgir mikroorganizmlar tomonidan chaqirilgan infeksion-yalligʻlanish kasalliklari:

- quyi nafas yoʻllarining infeksiyalari (surunkali bronxit, pnevmoniya);

- LOR-aʼzolarining infeksiyalari (sinusit, oʻrta otit),

- buyrak va siydik chiqarish yoʻllarining infeksiyalari (shu jumladan oʻtkir piyelonefrit),

- jinsiy aʼzolarning infeksiyalari (shu jumladan urogenital xlamidioz),

- teri va yumshoq toʻqimalarning infeksiyalari (yiringlagan ateromalar, abssess, furunkullar) da qoʻllaniladi.

 

Qoʻllash usuli va dozalari

Lemoksni ichga, ovqatdan oldin yoki ovqat qabul qilishlar orasidagi tanaffuslarda, chaynamay, yetarli miqdordagi suyuqlik qabul qilinadi.

Sinusitda - 500 mg dan sutkada 1-marta buyuriladi, davolash kursi – 10–14 kun.

Surunkali bronxitni zoʻrayishida - 250-500 mg dan sutkada 1-marta buyuriladi, davolash kursi  – 7 – 10 kun.

Pnevmoniyada - 250-500 mg sutkada 1-2-marta buyuriladi, davolash kursi – 10–14 kun.

Siydik chiqarish yoʻllarining asoratlanmagan infeksiyalarida - 250 mg dan sutkada 1-marta buyuriladi, davolash kursi  – 3 kun.

Prostatitda – 500 mg dan sutkada 1-marta buyuriladi, davolash kursi – 28 kun.

Siydik chiqarish yoʻllarining asoratlanmagan infeksiyalarida, shu jumladan piyelonefritda - 250 mg dan sutkada 1-marta buyuriladi, davolash kursi – 10–14 kun.

Teri va yumshoq toʻqimalarning infeksiyalarida - 250-500 mg dan sutkada 1-2-marta buyuriladi, davolash kursi – 10–14 kun.

Septitsemiya/bakteriyemiya – 500 mg dan sutkada 1-2-marta buyuriladi, davolash kursi – 10–14 kun.

Intraabdominal infeksiyalarda – 500 mg dan sutkada 1-marta buyuriladi, davolash kursi  – 10–14 kun (anaerob floraga taʼsir etuvchi antibakterial preparatlar bilan majmuada qoʻllanadi).

Tuberkulezning dorilarga chidamli shakllarini kompleks davolash – 500 mg dan sutkada 1-2-marta buyuriladi, davolash kursi  – 3 oygacha davom etadi.

Buyrak faoliyatini buzilishi boʻlgan patsiyentlarda levofloksatsinning dozalash tartibiga kreatinin klirensi (KK) koʻrsatkichiga qarab tuzatish kiritish talab etiladi:

KK=20-50 ml/min boʻlganida – 125-250 mg sutkada 1-2-marta buyuriladi; KK= 10-19ml/min boʻlganida – 125 mg dan 12 - 48 soat davomida 1-marta; KK<10 ml/min boʻlganida – 125 mg dan 24 yoki 48 soatdan keyin buyuriladi. Davolash kursi – 7-10 kun (14 kungacha) davom etadi.

Jigar faoliyatini buzilishida Lemoksning dozasini maxsus tanlash talab etilmaydi, chunki levofloksatsin jigarda juda oz darajada metabolizmga uchraydi.

Keksa yoshdagi patsiyentlarda, kreatinin klirensi past boʻlgan hollardan tashqari hollarda dozalash tartibiga tuzatish kiritish talab etilmaydi.

Agar Lemoksning navbatdagi dozasi oʻtkazib yuborilgan boʻlsa, uni navbatdagi qabul qilish vaqti yaqinlashmasdan, iloji boricha tezroq qabul qilish lozim. Keyin qabul qilishni sxema boʻyicha davom ettirish kerak.

 

Nojoʻya taʼsirlari

Teri  reaksiyalari va oʻta yuqori sezuvchanlikning umumiy reaksiyalari:

baʼzida: terini qichishishi va qizarishi;

kam hollarda: eshakemi, bronxlarni torayishi va ogʻir boʻgʻilish ehtimoli kabi simptomlar bilan kechuvchi oʻta yuqori sezuvchanlikning umumiy reaksiyalari (anafilaktik va anafilaktoid reaksiyalar);

juda kam hollarda: teri va shilliq qavatlarini shishlari (masalan, yuz va tomoq sohasida). Arterial bosimni keskin tushib ketishi va shok; quyosh va ultrabinafsha nurlanishga yuqori sezuvchanlik; allergik pnevmonit; vaskulit;

alohida hollarda: terida ogʻir toshmalar toshishi, pufaklar hosil boʻlishi bilan birga, masalan, Stivens-Djonson sindromi, toksik epidermal nekroliz (Layell sindromi) va ekssudativ koʻpshaklli eritema. Oʻta yuqori sezuvchanlikning umumiy reaksiyalaridan oldin baʼzida yengilroq teri reaksiyalari boʻlishi mumkin. Yuqorida nomlangan reaksiyalar preparatni birinchi dozasi yuborilganidan bir necha minut yoki soat oʻtganidan keyinoq rivojlanishi mumkin.

Meʼda-ichak yoʻllari va modda almashinuvi tomonidan:

tez-tez: koʻngil aynishi, diareya.

baʼzida: ishtahani yoʻqolishi, qusish, qorin ogʻriqlari, ovqat hazm boʻlishini buzilishi.

kam hollarda: qonli ich ketishi, u juda kam hollarda ichakni yalligʻlanishining va hatto soxtamembranoz kolitning belgisi ham boʻlishi mumkin.

juda kam hollarda: qandli diabeti boʻlgan bemorlar uchun muhim ahamiyatga ega boʻlgan qondagi qand miqdorini kamayishi (gipoglikemiya) (qandli diabetning mumkin boʻlgan belgilari: “boʻri” ishtahasi, asabiylik, terlash, qaltirash).

Boshqa xinolonlarni qoʻllash tajribasi, ularni porfiriyani zoʻrayishini chaqirishi mumkinligini tasdiqlaydi (modda almashinuvini juda kam uchraydigan kasalligi), shu kasal bilan kasallangan bemorlarda. Bunday taʼsirni Lemoks dori preparati qoʻllanganida ham istisno qilib boʻlmaydi.

Nerv tizimi tomonidan:

baʼzida: bosh ogʻrigʻi, bosh aylanishi va/yoki qotib qolish (jismoniy va aqliy faollikni cheklanishi), uyquchanlik, uyquni buzilishi.

kam hollarda: depressiya, psixotik reaksiyalar (masalan, gallyutsinatsiyalar bilan), noxush tuygʻular (masalan, qoʻllarning panjalarida paresteziyalar), qaltirash, qoʻzgʻalgan holat, tirishishlar va ongni chalkashishi;

juda kam hollarda: koʻrishni va eshitishni buzilishi, taʼm sezuvchanligini va hid sezishni buzilishi, taktil sezuvchanlikni pasayishi.

Yurak-qon tomir tizimi tomonidan:

kam hollarda: kuchli yurak urishi, arterial bosimni pasayishi.

juda kam hollarda: (shokka oʻxshash) qon tomir kollapsi.

alohida hollarda: QT intervalini uzayishi.

Suyak-mushak tizimi tomonidan:

kam hollarda: paylarni shikastlanishi (shu jumladan tendinit), boʻgʻim va mushak ogʻriqlari;

juda kam hollarda: paylarni uzilishi (masalan, axillov payini); bu nojoʻya samarasi davolash boshlanganidan keyin 48 soat davomida kuzatilishi mumkin va ikki tomonlama xarakterga ega boʻlishi mumkin. astenik bulbar falaj bilan kasallangan bemorlar uchun alohida ahamiyatga ega boʻlgan mushak kuchsizligi;

alohida hollarda: mushaklarni shikastlanishi (rabdomioliz).

Jigar va buyrakka taʼsiri:

tez-tez: jigar fermentlarining (masalan, alaninaminotransferaza va aspartataminotransferaza) faolligini oshishi;

kam hollarda: qon zardobida bilirubin va kreatininning miqdorini oshishi (jigar va buyrak faoliyatini cheklanganligi belgisi);

juda kam hollarda: jigar reaksiyalari, hatto buyrak yetishmovchiligigacha boʻlgan buyraklar faoliyatini yomonlashishi, masalan, allergik reaksiyalar oqibatidagi (interstitsial nefrit).

Qon yaratish tizimi tomonidan:

baʼzida: eozinofiliya, leykopeniya.

kam hollarda: neytropeniya, trombotsitopeniya, bu qonovchanlikni kuchayishi bilan birga kechishi mumkin.

juda kam hollarda: agranulotsitoz va ogʻir infeksiyalarni rivojlanishi (tana haroratini turgʻun yoki qaytalanuvchi oshishi, tomoqni yalligʻlanishi va holatni turgʻun yomonlashuvi bilan kechadi).

alohida hollarda: gemolitik anemiya; pansitopeniya,.

baʼzida: umumiy holsizlik (asteniya).

juda kam hollarda:

Boshqa nojoʻya samaralar:

Tez-tez: isitma, allergik pnevmonit

Har qanday antibiotik bilan davolash odamda normal holatda boʻladigan mikrofloraning oʻzgarishini chaqirishi mumkin (bakteriyalar va zamburugʻlar). Shu sababga koʻra qoʻllanayotgan antibiotikka nisbatan chidamli bakteriyalar va zamburugʻlarning kuchli koʻpayishi yuz berishi mumkin (ikkilamchi infeksiya va superinfeksiya), u kam hollarda qoʻshimcha davolashni talab qlishi mumkin.

 

Qoʻllash mumkin boʻlmagan holatlar

- levofloksatsinga yoki boshqa xinolonlarga yuqori sezuvchanlik;

- tutqanoq;

- xinolonlar bilan oldingi oʻtkazilgan davolashdagi paylarning shikastlanishi;

- homiladorlik;

- laktatsiya davri;

- 18 yoshgacha boʻlgan bolalar va oʻsmirlarda qoʻllash mumkin emas.

 

Dorilarning oʻzaro taʼsiri

Xinolonlar, shu jumladan levofloksatsin xam preparatlarning (fenbufen, unga oʻxshash nosteroid yalligʻlanishga qarshi vositalar, teofillin) tirishishga tayyorlik boʻsagʻasini pasaytirish xususyatini kuchaytirishi mumkin.

Lemoksning taʼsiri sukralfat bilan, magniy- yoki alyuminiy saqlovchi antatsid vositalar bilan, shuningdek temir tuzlari bilan bir vaqtda qoʻllanganda ancha pasayadi. Shuning uchun Lemoksni bu dori preparatlarni qabul qilishdan 2 soat oldin yoki 2 soatdan keyin qabul qilish kerak.

Levofloksatsinni organizmdan chiqarilishi simetidin va probenetsidning taʼsiri ostida biroz sekinlashadi, bu deyarli klinik ahamiyatga ega emas. Shunday boʻlsada, levofloksatsin bilan davolashni, eng avvalo buyrak faoliyati cheklangan patsiyentlarda ehtiyotkorlik bilan oʻtkazish kerak.

Levofloksatsin siklosporinning yarim chiqarilish davrini biroz oshiradi.

Glyukokortikosteroidlar bilan bir vaqftda qabul qilish paylarni uzilish xavfini oshiradi.

 

Maxsus koʻrsatmalar

Keksa yoshdagi patsiyentlarda levofloksatsin ehtiyotkorlik bilan buyuriladi (buyrak faoliyatini yondosh pasayishi mumkinligining yuqori ehtimoli bor).

Levofloksatsin bilan davolash vaqtida preparatni qabul qilishni tana harorati normallashganidan keyin yana kamida 48–78 soat davomida davom ettirish tavsiya qilinadi.

Davolanish vaqtida teri qoplamalarini shikastlanishidan (fotosensibilizatsiya) saqlanish uchun quyosh va ultrabinafsha nuri taʼsirida nurlanishdan saqlanish lozim.

Tendinit belgilari paydo boʻlganida levofloksatsin darhol bekor qilinadi. Glyukokortikosteroidlar qoʻllanganda paylarni uzilishi va tendinit xavfi oshadi.

Anamnezida bosh miyani shikastlanishi (insult, ogʻir jarohat) boʻlgan patsiyentlarda tirishishlar rivojlanishi mumkinligini, glyukozo-6-fosfatdegidpogenaza yetishmovchiligida – gemolizni rivojlanish xavfini nazarda tutish lozim.

Preparatni qandli diabeti boʻlgan patsiyentlarda qoʻllanganda, levofloksatsin gipoglikemiyani chaqirishi mumkinligini nazarda tutish lozim, bu ishtahani oshishi, titroq, asabiylashish bilan namoyon boʻlishi mumkin.

Pnevmokokklar tomonidan chaqirilgan ogʻir pnevmoniyada levofloksatsinni qoʻllanishi yetarli samara bermasligi mumkin.

Ogʻir allergik reaksiyalardan oldin terida yengilroq koʻrinishlar namoyon boʻlishi mumkin. Biroq bu reaksiyalar birinchi dozadan keyinoq – levofloksatsin qoʻllanganidan keyin bir necha minut yoki soatdan keyin rivojlanishi mumkin.

Levofloksatsin bilan davolanish vaqtida, qon aralash yoki usiz ogʻir, turgʻun diareya paydo boʻlganida shifokorni xabardor qilish lozimligi toʻgʻrisida patsiyentlarga maʼlumot berish kerak. Diareyaning sababi, antibiotikoterapiya vaqtida rivojlanadigan enterokolit boʻlishi mumkin. Soxtamembranoz kolitga gumon qilinganida levofloksatsinni darhol Levostalni bekor qilish va muvofiq davolashni boshlash kerak. Bunday hollarda, ichak motorikasini susaytiruvchi dori vositalarini qoʻllash mumkin emas.

Homiladorlik va laktatsiya

Preparatni homiladorlikda va laktatsiya davrida qoʻllash mumkin emas.

Avtotransportni haydash va mexanizmlarni boshqarish qobiliyatiga taʼsiri

Levofloksatsin diqqatni jamlash qobiliyatini va psixomotor reaksiyalar tezligini pasaytiradi, buni preparatni qoʻllash zarurati tugʻilganda hisobga olish lozim.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Simptomlari: ongni chalkashishi, bosh aylanishi, ongni buzilishi va tirishish xurujlari, koʻngil aynishi, shilliq qavatlarning eroziv shikastlanishi.

Davolash: simptomatik davolash oʻtkaziladi. Levofloksatsin dializ yordamida chiqarilmaydi. Spetsifik antidoti mavjud emas.

 

Chiqarilish shakli

500 mg dan qobiq bilan qoplangan tabletkalar; oʻramda 5 yoki 10 tabletkadan.

 

Saqlash sharoiti

Quruq joyda, 15-25oC haroratda saqlansin.

 

Yaroqlilik muddati

2 yil.

 

Dorixonalardan berish tartibi

Shifokor retsepti boʻyicha!

 

Ishlab chiqaruvchi

GM Pharmaceuticals Ltd.

Gruziya, Tbilisi sh., Ponichala 65

Tel.: +995 32 2404801/02; Faks: +995 32 2404803

Fikr qoldirish uchun tizimga kiring
Sizning e-mail:
Sizning Parolingiz:
Agar siz allaqachon saytimizda ro'yxatdan o'tgan bo'lsangiz, lekin parolingizni unutgansiz yoki tasdiqlash elektron pochta manzilini olmagan bo'lsangiz, parolni tiklash shaklidan foydalaning
KATALOG
Tepaga