KAFRA (Ko'proq)

Buyurtma berish
 
NEW
(0 ovoz)
0 руб.
Buyurtma berish
​​​​​​​Xalqaro patentlanmagan nomi: ofloksatsin.

Farmakoterapevtik guruhi: ftorxinolonlar guruhiga kiruvchi mikroblarga qarshi vosita.
Поделиться

TARKIBI

Preparatning qobiq bilan qoplangan bir tabletkasi 400 mg faol modda – ofloksatsin saqlaydi.

Yordamchi moddalar: mikrokristallik sellyuloza, laktoza, natriy kraxmal glikolyati, natriy kroskarmelloza, gidroksipropilsellyuloza, jelatinlangan kraxmal (Uni-pure DW-L), eruvchi polivinilpirrolidon (kollidon 30), magniy stearati.

TAʼSIRI

Ftorxinolonlar guruhi keng taʼsir doirasiga ega mikroblarga qarshi vosita. Oflokssinning bakteritsid taʼsiri bakterial xujayralardagi DNK-giraza fermentini blokadasi bilan bogʻliq. Koʻpchilik grammanfiy mikroorganizmlar: Escherichia coli, Salmonella spp., Shigella spp., Proteus spp., Morganella morgani, Klebsiella spp., shu jumladan Klebsiella pneumoniae; Enterobacter spp., Serratia spp., Citrobacter spp., Yersinia spp., Providencia, Haemophilus influenzae, Neisseria gonorrhoeae, Neisseria meningitides, Mycoplasma spp., Legionella pneumophila, Acinebacter spp., shuningdek Chlamydia spp. ga nisbatan yuqori faollikka ega. Ayrim grammusbat mikroorganizmlar, xususan Staphylococcus spp., Streptococcus spp. (ayniqsa beta-gemolitik) ga nisbatan faol. Ofloksatsinga Enterococcus faecalis, Streptococcus pneumoniae, Pseudomonas spp. lar oʻrtacha sezgir. Ofloksatsin beta-laktamaza ishlab chiqaruvchi mikroorganizmlarga nisbatan faol. Ofloksatsinga anaerob bakteriyalar (B. urealiticus dan tashqari) sezgir emas.

Ichga qabul qilinganidan soʻng ofloksatsin MIY dan tez va yengil soʻriladi. Ofloksatsinning plazmadagi Smax ga taxminan 1-2 soatda erishiladi. Preparatning biokiraolishligi 96-100% ni tashkil qiladi.

Plazma oqsillari bilan bogʻlanishi 25% ni tashkil qiladi. Ofloksatsin organizmning toʻqima va suyuqliklarida (siydik chiqarish tizimi aʼzolari, jinsiy aʼzolar, prostata bezi, oʻpkalar, LOR-aʼzolari, oʻt-safro pufagi, suyaklar, teri) keng tarqaladi.

Ofloksatsin yoʻldosh orqali oʻtadi, koʻkrak suti bilan chiqariladi.

5% gacha ofloksatsin metabolizmga uchraydi. T1/2 6-8 soatni tashkil qiladi. Ofloksatsinning taxminan 80% gachasi oʻzgarmagan holda buyraklar orqali chiqariladi. Jigar va/yoki buyraklarning kasalliklari boʻlgan bemorlarda ofloksatsinning organizmdan chiqarilishi sekinlashishi mumkin.

QOʻLLANILISHI

Ofloksatsinga sezgir mikroorganizmlar chaqirgan infeksion yalligʻlanish kasalliklari:

- quyi nafas yoʻllarining infeksiyalari (pnevmoniya);

- quloq, burun, tomoqning infeksiyalari (sinusit, faringit, tonzillit, oʻrta otit, laringit, traxeit);

- teri, yumshoq toʻqimalar, suyaklar, boʻgʻimlarning infeksiyalari (abssess, furunkul, karbunkul, flegmona, piogen artriti);

- qorin boʻshligʻi va kichik chanoq aʼzolarining infeksiyalari (endometrit, salpingit, ooforit, servitsit, prostatit, orxit, epididimit);

- buyraklar va siydik chiqarish yoʻllari, jinsiy aʼzolarning infeksiyalari (piyelonefrit, sistit, gonokokkli infeksiyalar, xlamidioz).

QOʻLLASH MUMKIN BOʻLMAGAN HOLATLAR

- tutqanoq;

- pasaygan tirishish pogʻonasiga ega boʻlgan MNT ning shikastlanishlari (bosh-miya jarohati, insult, MNT sohasidagi yalligʻlanish jarayonlaridan keyin);

- 18 yoshgacha boʻlganlar;

- homiladorlik;

- laktatsiya (emizish);

- ofloksatsin va boshqa antibiotiklar – xinolonning hosilalariga yuqori sezuvchanlik.

EHTIYOTKORLIK CHORALARI

Buyraklar va jigar faoliyati buzilgan patsiyentlarda ehtiyotkorlik bilan qoʻllanadi.

Davolanish davrida bemorlar ultrabinafsha nurlanishiga uchramasliklari kerak.

Ofloksatsin tirishish xurujlarining rivojlanishiga moyil (shu jumladan anamnezida MNT jarohatlari boʻlgan) bemorlarga ehtiyotkorlik bilan buyurilishi lozim. Nojoʻya samaralari rivojlangan holda, ayniqsa nerv tizimi tomonidan yoki allergik reaksiyalar, ular birinchi qoʻllashdan keyinroq namoyon boʻlishi mumkin, preparatni darhol bekor qilish kerak.

Avtotransportni haydash va mexanizmlarni boshqarish qobiliyatiga taʼsiri

Preparat patsiyentning yuqori diqqat va tez psixomotor reaksiyalarni talab qiluvchi faoliyatning potensial xavfli turlari bilan shugʻullanish qobiliyatini buzishi mumkin.

Reaksiya tezligini sekinlashishi bir vaqtda alkogol isteʼmol qilinganida yomonlashishi mumkin.

Homiladorlik va laktatsiya

Kafrani homiladorlikda qoʻllash mumkin emas. Ofloksatsin koʻkrak suti bilan chiqariladi, shuning uchun preparatni laktatsiya davrida qoʻllash zarurati boʻlganida emizishni toʻxtatish kerak.

Dozani oshirib yuborilishi

Simptomlari: bosh aylanishi, ongni chalkashishi, qusish.

Davolash: meʼdani yuvish, zarurati boʻlganida simptomatik terapiya oʻtkaziladi. Spetsifik antidoti mavjud emas.

DORILARNING OʻZARO TAʼSIRI

Mineral antatsidlar yoki temir saqlovchi preparatlar bilan bir vaqtda qabul qilinganida preparatning samaradorligi pasayadi, shuning uchun bu preparatlarni qabul qilish zarurati boʻlganida qabul qilishlar orasidagi interval taxminan 2 soatni tashkil qilishi kerak.

Ofloksatsin va NYAQV bir vaqtda qoʻllanganida tirishishlarning paydo boʻlishini ehtimoli oshadi.

DOZALASH VA QOʻLLASH USULI

Preparatning dozasi va davolashning davomiyligi infeksiyaning turi va ogʻirligi, bemorning umumiy holati va buyraklarning faoliyatiga bogʻliq.

Sutkalik doza davolashning 7-10 kunlik oʻrtacha davomiyligida 200-800 mg ni tashkil qiladi.

Kattalarga 200-400 mg dan sutkada 2-marta yoki 400-800 mg dan sutkada 1-marta buyuriladi. Maksimal sutkalik doza 800 mg ni tashkil qiladi.

Jigar faoliyatini yaqqol buzilishlari boʻlgan bemorlarda preparatning sutkalik dozasi 400 mg dan oshmasligi kerak.

Buyraklarning faoliyati buzilgan patsiyentlarda preparatning dozasi KK koʻrsatkichlariga qarab belgilanadi. KK 20-50 ml/min boʻlsa birinchi doza 200 mg ni tashkil qiladi, soʻngra har 24 soatda 100 mg dan; KK 20 ml/min dan kam boʻlsa, birinchi doza 200 mg, soʻngra har 48 soatda 100 mg dan buyuriladi.

Tabletkalar butunligicha ovqatdan oldin yoki ovqat qabul qilish vaqtida oz miqdordagi suyuqlik bilan ichib qabul qilinadi.

Keksa patsiyentlarga dozani maxsus toʻgʻrilash talab etilmaydi.

NOJOʻYa TAʼSIRLARI

Ovqat hazm qilish tizimi tomonidan: dispepsik buzilishlar: kam - qon plazmasida jigar fermentlarining faolligini oshishi, bilirubinning miqdorini oshishi.

MNT tomonidan: psixomotor reaksiyalar tezligini sekinlashishi, bosh ogʻrigʻi, bosh aylanishi, uyquni buzilishi, xavotirlik, qoʻzgʻalish, alohida hollarda – tremor, mushak tirishishlari, qoʻl-oyoqlarda paresteziyalar, ekstrapiramid buzilishlar va koordinatsiyani buzilishi, kam – koʻrishni, taʼmni va hid sezishni buzilishi.

Qon yaratish tizimi tomonidan: kam – anemiya, leykopeniya, neytropeniya, agranulotsitoz, trombotsitopeniya.

Siydik chiqarish tizimi tomonidan: mochevina, kreatinin miqdorini oshishi bilan kechadigan buyraklarning chiqaruvchi faoliyatini tranzitor buzilishi.

Dermatologik reaksiyalar: toshma, qichishish, fotosensibilizatsiya.

Allergik reaksiyalar: tilni shishi, Kvinke shishi, anafilaktik shok.

Boshqalar: vaskulitlar, mialgiyalar, artralgiyalar.

YAROQLILIK MUDDATI VA SAQLASH

10-250S haroratda, bolalar olaolmaydigan joyda saqlansin.

Yaroqlilik muddati – 3 yil. Preparatni yaroqlilik muddati oʻtganidan keyin ishlatish mumkin emas.

CHIQARILISH SHAKLI

Qobiq bilan qoplangan tabletkalar 400 mg dan, oʻramda 5 tabletka.

BUYURILISHI

Shifokor retsepti boʻyicha!

 

Fikr qoldirish uchun tizimga kiring
Sizning e-mail:
Sizning Parolingiz:
Agar siz allaqachon saytimizda ro'yxatdan o'tgan bo'lsangiz, lekin parolingizni unutgansiz yoki tasdiqlash elektron pochta manzilini olmagan bo'lsangiz, parolni tiklash shaklidan foydalaning
KATALOG
Tepaga