BRENAKS 500 MG (Ko'proq)

Buyurtma berish
 
NEW
(0 ovoz)
0 руб.
Buyurtma berish
BRENAKS, mushak ichi/vena ichi inyeksiyasi uchun eritma
Поделиться

 

  • Faol modda: har bir ampula  500 mg sitikolinga ekvivalent boʻlgan 522.52 mg sitikolin natriy saqlaydi.
  • Yordamchi moddalar: natriy gidroksidi, konsentrlangan xlorid kislotasi (pH ni boshqarish uchun), inyeksiya uchun suv.

 

Preparatni qabul qilishni boshlashdan avval, ushbu ilova-varaqani oxirigacha diqqat bilan oʻqib chiqing, chunki unda Siz uchun muhim maʼlumot saqlanadi.

 

  • Ushbu ilova-varaqani saqlang. U Sizga yana kerak boʻlib qolishi mumkin.
  • Agar Sizda qoʻshimcha savollar paydo boʻlsa, oʻzingizni davolovchi shifokoringizga yoki farmatsevtga murojaat qiling.
  • Ushbu preparat shaxsan Sizga buyurilgan. Uni boshqa shaxslarga berish mumkin emas.
  • Agar davolanish vaqtida shifokorga yoki kasalxonaga borsangiz, oʻzingizni shifokoringizga preparatni qabul qilayotganiz xaqida xabar bering.
  • Iltimos, yoʻriqnomaga aniqlik bilan yondoshing. Preparatning yuqori yoki past dozalarini tavsiyalarsiz qabul qilmang.

 

 

Ushbu ilova-varaqada quyidagi maʼlumotlar saqlanadi:

  1. Brenaks oʻzi nima va u qanday holatlarda qoʻllaniladi
  2. Brenaksni qabul qilishni boshlashdan oldin
  3. Brenaksni qanday qabul qilish kerak
  4. Mumkin boʻlgan nojoʻya taʼsirlari
  5. Brenaksni qanday saqlash kerak

 

  1.  BRENAKS OʻZI NIMA VA U QANDAY HOLATLARDA QOʻLLANILADI?

BRENAKSNING har bir ampulasi  500 mg sitikolinga yoki 1000 mg sitokolinga ekvivalent boʻlgan sitikolin natriy saqlaydi. Har bir karton qutida 5 ta ampulali bitta kontur-uyali plastik oʻram saqlanadi.

 

Qoʻllanilishi

Brenaks  quyidagi holatlarda qoʻllanadi:

  • Tomirlarning okklyuziyasi chaqirgan  insultning oʻtkir davri;
  • Ishemik va gemorragik insultlardan keyin  tiklanish davri;
  • Bosh-miya jarohatlari, oʻtkir va tiklanish davri.
  • Bosh-miyaning degenerativ va qon-tomirli kasalliklaridagi kognitiv buzilishlarida qoʻllaniladi.

Maxsus koʻrsatmalar

Kalla suyagi - bosh miyaning jarohatlarida miyaning ichki bosimini pasaytirish uchun  Mannitol yoki kortikosteroidlarni buyurish lozim.

Bosh miyaga qon quyilishida sitikolinning dozasi bir marta qabul qilishda 500 mg dan oshmasligi lozim. Ushbu holatda dozani ikkiga boʻlish kerak (100-200 mg  dan kuniga 2-3-marta).

 

  1.  BRENAKSNI QABUL QILISHDAN OLDIN

 

Brenaks  preparatini qanday holatlarda qoʻllash mumkin emas

  • Preparatga yoki uning har qanday komponentlariga yuqori sezuvchanlik;
  • vagotoniyada (yurak ritmini buzilishi, qabziyat, kuchli terlash bilan kechuvchi vegetativ nerv tizimining parasimpatik qismning tonusini ustunligi);
  • homiladorlik va laktatsiya vaqtida, chunki ushbu davrda preparatni qoʻllash boʻyicha yetarli maʼlumotlar yoʻq.
  • preparatni alkogol bilan qoʻllash mumkin emas.

 

Agar Sizga yuqorida sanab oʻtilganlardan birontasi taʼluqli boʻlsa, Brenaksni qabul qilmang.

Agar Sizda gumon boʻlsa, Brenaksni qabul qilishdan oldin oʻzingizni shifokoringiz yoki farmatsevt bilan maslahatlashing.

 

Brenaksni qabul qilishda quyidagi holatlarda   ayniqsa ehtiyot boʻling:

- keksalik yoshida

- transport vositalarini boshqarishda va mexanizmlarni ishlatishda

Agar ilgari yuqorida sanab oʻtilganlar kuzatilgan boʻlsa, shifokor bilan maslahatlashing.

 

BRENAKS ni ovqat va sharbatlar bilan qabul qilish

Preparatni qabul qilish boshqa usul bilan amalga oshirilishi tufayli, preparatni ovqat va sharbatlar bilan oʻzaro taʼsiri aniqlanmagan.

 

Homiladorlik

Preparatni qabul qilishni boshlashdan avval, shifokor yoki farmatsevt bilan maslahatlashing.

Agar ona uchun kutilayotgan foyda homila uchun potensial xavfdan oshsa, preparatni homiladorlik vaqtida qoʻllash mumkin.

Agar davolanish vaqtida Siz homiladorlikni aniqlagan boʻlsangiz, darhol shifokor yoki farmatsevtga murojaat qiling.

 

Laktatsiya davri

Preparatni qabul qilishni boshlashdan avval, shifokor yoki farmatsevt bilan maslahatlashing.

Agar laktatsiya davrida preparatni qabul qilishni zarurati boʻlsa, emizishni toʻxtatish lozim. 

 

Avtotransportni xaydash va  mexanizmlarni boshqarish

Davolash vaqtida transport vositalarini boshqarish va yuqori psixomotor faollikni talab etadigan faoliyat bilan shugʻullanishda ehtiyotkorlikka rioya qilish lozim.

 

Brenaks tarkibidagi ayrim yordamchi moddalar xaqida maʼlumot

Brenaksning har bir dozasida kamida 1 mmol (23 mg) miqdorda natriy saqlaydi, buni preparat natriy saqlamaydi deb ham hisoblash mumkin.

Boshqa preparatlarni qabul qilish

  • Sitikolin levodopaning samarasini kuchaytiradi.
  • Meklofenoksat saqlovchi dori vositalari bilan bir vaqtda qoʻllash mumkin emas.
  • Brenaksni qonni toʻxtatuvchi vositalar, kalla suyagining ichki antigipertenziv vositalari va oddiy perfuzion suyuqliklar bilan bir vaqtda qoʻllash mumkin.

Siz qanday preparatlar qabul qilishiz yoki yaqinda qabul qilgan boʻlsangiz, hatto ushbu preparatlar shifokor retseptisiz chiqarilsa ham, oʻzingizni shifokoringiz yoki farmatsevtga doimo xabar bering.

 

  1.  BRENAKSNI  QANDAY QABUL QILISH KERAK

Maxsus qoʻllash uchun koʻrsatma va dozalash/foydalanish tez-tezligi

Siz uchun mos keladigan Brenaksning dozasi shifokor tomonidan belgilanadi.

Oddiy doza Brenaksning 1 ampulasini tashkil etadi, bu mushak ichiga yoki sekin vena ichi inyeksiyasi yoʻli bilan har 12 soatda yuboriladi.

 

Qoʻllash usuli

Brenaksni ham mushak ichiga ham vena ichiga yuborish mumkin.

Inyeksiya uchun eritmaning ampulasini ochgandan soʻng shprisga tortiladi va uzunchoq inyeksion nina yordamida mushakka chuqur qilib yuboriladi. Eritmani yuborishdan oldin qon tomirlar shikastlanmaganligiga ishonch hosil qilish uchun shpris porsheni yengil orqaga tortiladi.

Bundan tashqari preparat vena ichiga yuboriladi.  

 

Turli yosh guruhlari

Pediatriya populyatsiyasida buyurilishi:

Bolalarda va 18 yoshdan kichik oʻsmirlarda preparatning xavfsizligi va samarasi baholanmagan.

 

Keksa patsiyentlarga buyurilishi:

Brenaksni keksa patsiyentlarda qoʻllashning xavfsizligi va samarasi boʻyicha yetarli maʼlumotlar yoʻq.

 

Maxsus koʻrsatmalar

Homiladorlik

Agar ona uchun kutilayotgan foyda homila uchun potensial xavfdan oshsa, preparatni homiladorlik vaqtida qoʻllash mumkin.

Agar Brenaksning taʼsiri juda kuchli yoki juda kuchsiz boʻlsa, shifokor yoki farmatsevt bilan maslahatlashing.

Agar Siz Brenaksni tavsiya etilgan miqdordan koʻp qabul qilgan boʻlsangiz:

Agar Siz Brenaksni koʻp qabul qilgan boʻlsangiz shifokor yoki farmatsevtga murojaat qiling.

Agar Siz Brenaks preparatini qabul qilishni unutgan boʻlsangiz

Unutrilgan dozani oʻrnini toʻldirish uchun ikkilangan dozani qabul qilmang.

Agar Siz BRENAKS ni qabul qilishni toʻxtatsangiz:

Brenaksni qabul qilish toʻxtatilganida noxush reaksiyalar kuzatilmaydi.

 

  1.  MUMKIN BOʻLGAN NOJOʻYa TAʼSIRLARI

Boshqa barcha preparatlar kabi, Brenaks preparatining komponentlariga yuqori sezuvchanligi boʻlgan insonlarda nojoʻya reaksiyalarni chaqirishi mumkin.

Agar Sizda quyidagi nojoʻya reaksiyalardan birortasi kuzatilsa, Brenaksni qabul qilishni toʻxtating va darxol shifokorga murojaat qiling. Sizga shoshilinch tibbiy yordam kerak boʻlishi mumkin:

MNT va periferik nerv tizimi: uyqusizlik, bosh ogʻriqlari, bosh aylanishi, qoʻzgʻaluvchanlik,  tremor, falajlangan oyoq-qoʻllarni oqarishi.

Meʼda-ichak yoʻllari: koʻngil aynishi, ishtahani pasayishi, jigar fermentlari faolligini oʻzagirishi.

Allergik reaksiyalar: toshma, terini qichishishi, anafilaktik shok (yuzni, til va tomoqni shishishi, teri toshmasi, xushtaksimon nafas olish, qiyin nafas olish, issqlik yoki shok holati chaqirgan allergik reaksiyalar).

Boshqalar: issiqlik hissi; alohida hollarda – qisqa muddatli gipotenziv taʼsiri (arterial bosimni pasayishi), parasimpatik nerv tizimining stimulyatsiyasi (yurak ritmini buzilishi, qabziyat, kuchli terlash) kuzatilishi mumkin.

Agar Siz quyidagi nojoʻya reaksiyalardan birontasini sezsangiz, darhol oʻzingizni shifokoringiz yoki farmatsevtga xabar bering.

Ushbu jiddiy nojoʻya reaksiyalar kam hollarda uchraydi.

Agar Siz quyida sanab oʻtilgan reaksiyalardan birontasini sezsangiz oʻzingizni shifokoringizga xabar bering:

 Yuzni, til va tomoqni shishishi, teri toshmasi, xushtaksimon nafas olish, qiyin nafas olish, issqlik yoki shok holati chaqirgan allergik reaksiyalar.

Bular yengil nojoʻya samaralardir.

Agar nojoʻya samaralar jiddiy xarakterga ega boʻlsa yoki Siz ushbu ilova-varaqada taʼriflangan nojoʻya samaralarni sezsangiz, bu haqida oʻzingizni shifokoringiz yoki farmatsevtga xabar bering.

 

  1.  BRENAKS  PREPARATINI QANDAY SAQLASH KERAK

25ºS dan past haroratda saqlansin.

Bolalar ololmaydigan joyda saqlansin.

Iltimos yaroqlilik muddatiga yaxshilab  eʼtibor qiling.

Brenaksni yaroqlilik muddati oʻtganidan soʻng qoʻllanmasin.

Agar Siz mahsulotni yoki oʻramini shikastlanganligini aniqlagan boʻlsangiz, preparatni qabul qilmang.

 

Savdo  litsenziyasi/qayd etish guvohnomasining egasi

GM Pharmaceuticals Ltd.

Manzil:   GRUZIYA, TBILISI sh., PONICHALA 65

telefon:  +995 32 2404801/02; 

Faks: +995 32 2404803

 

Ishlab chiqaruvchi

İdol İlaç Dolum San.ve Tic. A.Ş.

Davutpaşa Cad. Cebealibey Sok. No:20

Topkapı/İstanbul, Turkey (Turkiya)

Tel:   +90 (212) 4490000

Faks:   +90 (212) 4490020

 

Oʻzbekiston Respublikasi xududida dori vositalarining sifati boʻyicha eʼtirozlar (takliflar) ni qabul qiluvchi tashkilot nomi va manzili:

“GMP” MCHJ Vakolatxonasi,

Oʻzbekiston Respublikasi, 100000, Toshkent sh., Mustaqillik prospekti, 75

Tel.: 141-03-73

Fikr qoldirish uchun tizimga kiring
Sizning e-mail:
Sizning Parolingiz:
Agar siz allaqachon saytimizda ro'yxatdan o'tgan bo'lsangiz, lekin parolingizni unutgansiz yoki tasdiqlash elektron pochta manzilini olmagan bo'lsangiz, parolni tiklash shaklidan foydalaning
KATALOG
Tepaga