BLOKART B-12 (Ko'proq)

Asosiy sahifaga o'tish YaQNV BLOKART B-12 (Ko'proq)
Buyurtma berish
 
NEW
(0 ovoz)
0 руб.
Buyurtma berish
BLOKART V-12, inyeksiya uchun eritma tayyorlash uchun liofillangan kukun
Поделиться

Mushak ichiga yuborish uchun.

 

  • Faol modda: har bir flakon 10 mg gidroksokobalamin saqlaydi, har bir ampula 75 mg diklofenak kaliy va 2.63 mg betametazon natriy fosfatini saqlaydi.

Yordamchi moddalar propilenglikol, suvsiz dinatriy fosfati, metilparaben, propilparaben, benzil spirti, natriy gidroksidi, mannit, xlorid kislotasi va inyeksiya uchun suv.

 

Preparatni qabul qilishni boshlashdan avval, ushbu ilova-varaqani oxirigacha diqqat bilan oʻqib chiqing, chunki u siz uchun muhim maʼlumot saqlaydi.

  • Ushbu ilova-varaqani saqlab qoʻying. Sizga u yana kerak boʻlib qolishi mumkin.
  • Agar Sizda qoʻshimcha savollar paydo boʻlsa, oʻzingizni shifokoringiz yoki farmatsevtga murojaat qiling.
  • Ushbu preparat shaxsan Sizga yozilgan. Uni boshqa shaxslarga berish mumkin emas.
  • Agar davolanish vaqtida shifokor koʻrigiga yoki shifoxonaga borayotgan boʻlsangiz, iltimos shifokoringizga preparatni qabul qilayotganingiz haqida xabar bering.
  • Iltimos, yoʻriqnomaga aniqlik bilan amal qiling. Tavsiyalarsiz preparatning yuqori va past dozalarini qabul qilmang.

 

Ushbu ilova-varaqada quyidagi maʼlumotlar saqlanadi:

  1. BLOKART V-12 oʻzi nima va u qanday holatlarda qoʻllaniladi
  2. BLOKART V-12 ni qabul qilishdan oldin
  3. BLOKART V-12 ni qanday qabul qilish kerak
  4. Boʻlishi mumkin boʻlgan nojoʻya taʼsirlari
  5. BLOKART V-12 ni qanday saqlash kerak

 

  1. BLOKART V-12 OʻZI NIMA VA U QANDAY HOLATLARDA QOʻLLANILADI

BLOKART V-12 inyeksiya uchun eritma tayyorlash uchun kukun saqlovchi flakon va erituvchi bilan ampula koʻrinishida, faol modda sifatida diklofenak kaliy, betametazon natriy fosfat va gidroksokobalamin saqlanadi.

BLOKART V-12 ogʻriqlar va yalligʻlanishni bartaraf etish uchun qoʻllaniladigan preparatlar guruhiga kiradi. Har bir karton oʻrami 4 ml dan 5 flakon va 3 ml dan 5 ampulani saqlaydi.

Mushak ichiga yuboriladigan BLOKART V-12 preparati quyidagilarni davolash uchun qoʻllaniladi:

  • bosh ogʻrigʻi, boʻyin va bel ogʻrigʻi
  • umurtqaning bel-son qismidagi ogʻriqlari
  • jarohatlar va operatsiyadan keyingi ogʻir yalligʻlanish va shishlarda.

Agar sizda BLOKART V-12 ning taʼsiriga va preparatni buyurishga tegishli savollar paydo boʻlsa, shifokor bilan maslahatlashing.

 

  1. BLOKART V-12 QABUL QILISHDAN OLDIN

Shifokoringiz yoki farmatsevtning yoʻriqnomalariga sinchkovlik bilan amal qiling. Bu maʼlumot ushbu ilova-varaqada koʻrsatilgan umumiy maʼlumotlardan farq qilishi mumkin.

BLOKART V-12 ni qanday hollarda  qoʻllash mumkin emas

Agar:

  • agar sizda betametazon, gidroksikobalamin yoki preparatning boshqa har qanday komponentlariga allergiya (yuqori sezuvchanlik) boʻlganida;
  • yallligʻlanish yoki ogʻriqni bartaraf etish uchun qoʻllaniladigan preparatlarni (masalan, atsetilsalitsil kislotasi/aspirin, diklofenak yoki ibuprofen) qabul qilgandan keyin qandaydir allergik reaksiyalar paydo boʻlsa. Bunday reaksiyalarda astma, burunni oqishi, teri toshmasi, yuzni shishi kuzatilishi mumkin. Nosteroid yalligʻlanishga qarshi preparatlarni (NYAQP) qabul qilishda patsiyentlarda paydo boʻladigan oʻtkir reaksiyalarga (kam hollarda oʻlim bilan yakunlanadigan) oʻxshash holatlar haqida xabar berilgan. Agar sizda allergiya deb oʻylasangiz, shifokor bilan maslahatlashing;
  • sizda yurakda jarrohlik operatsiyasini oʻtkazish kerak boʻlsa, operatsiyadan oldin, keyin va operatsiya vaqtida ushbu preparat ishlatilishi mumkin;
  • sizda yurak-qon tomir kasalligi, tomirlar kasalligi, miyada qon aylanishini buzilishi va yurak yetishmovchiligi (Nyu-York kardiologik assotsiatsiyasi tasnifi boʻyicha – II-IV) mavjud boʻlsa;
  • sizda meʼda yoki ichak yarasi boʻlsa;
  • sizda meʼda-ichak yoʻlida qon ketishi boʻlsa, bunday holatlarda simptomlar orasida qon bilan yoki qora ich kelishi kuzatiladi;
  • sizda ogʻir buyrak va jigar yetishmovchiligi boʻlsa;
  • sizda oʻtkir koronar yetishmovchilik boʻlsa;
  • siz homiladorlikning soʻnggi oylarida boʻlsangiz, ushbu preparatni qoʻllash mumkin emas.

BLOKART V-12 ni qabul qilishdan avval, agar u hayotingizda muhim oʻrin egallagan boʻlsa ham, shifokor bilan maslahatlashing. Shifokoringiz ushbu preparat sizga toʻgʻri kelishini hal etadi.

Quyidagi  hollarda BLOKART V-12 ni qabul qilishdagi ayniqsa ehtiyot boʻling:

Agar:

  • agar siz BLOKART V-12 ni boshqa yalligʻlanishga qarshi preparatlar (shu jumladan atsetilsalitsil kislotasi/aspirin, kortikosteroidlar, “qonni suyultiruvchi preparatlar” va serotoninni qayta qamrab oluvchi selektiv ingibitorlari) bilan qabul qilayotgan boʻlsangiz (“Boshqa preparatlar bilan qabul qilish” boʻlimiga qarang);
  • sizda astma yoki changga allergiya boʻlsa (mavsumiy  allergik rinit);
  • meʼda-ichak yoʻllari tomonidan muammolar boʻlgan boʻlsa, masalan, meʼda yarasi, meʼdadan qon ketishi yoki qora rangda ich kelishi, yoki meʼda kasalligi yoki ilgari yalligʻlanishga qarshi preparatlarni qabul qilgandan keyin jigʻildon qaynashi;
  • yoʻgʻon ichakni yalligʻlanishi (yarali kolit) yoki ichakni yalligʻlanishi (Kron kasalligi) mavjud boʻlsa;
  • yurak bilan bogʻliq boʻlgan muommolar yoki gipertoniya, yoki siz bu kasalliklar bilan ilgari kasallangan boʻlsangiz;
  • sizda jigar yoki  buyrak bilan muommolar boʻlsa;
  • sizda koʻngil aynishi, holsizlik, bosh aylanishi, qichishish, sariqlik, jigarni shikastlanishining belgilaridan boʻlgan  qorinning yuqori oʻng sohasida sezish hissi va shamollash yoki jigar fermentlarini oshishi kabi simptomlar boʻlsa;
  • suvsizlanish ehtimoli boʻlsa (masalan ogʻir operatsiyadan oldin va keyin kasallik, diareya);
  • sizda qon ivishi bilan bogʻliq boʻlgan buzilishlar yoki qon bilan bogʻliq boʻlgan boshqa buzilishlar (shu jumladan porfiriya deb nomlanadigan jigarning kam uchraydigan kasalligi);
  • isitma, holsizlik, boʻgʻimlarda ogʻriq (tizimli qizil yugurik, toksik epidermal nekroliz) kabi simptomlar bilan butun tanani yoki terini kepaklanishi bilan xarakterlanadigan terining jiddiy kasalliklari yoki biriktiruvchi toʻqimaning aralash kasalligi (biriktiruvchi toʻqimaga taʼsir qiladigan immun tizimi tomonidan buzilishlar), yoki agar siz BLOKART V-12 ni qabul qilishda shunga oʻxshash holatlarga duch kelgan boʻlsangiz.

Yuqorida keltirilganlardan birontasi ilgari boʻlgan boʻlsa, shifokor bilan maslahatlashing.

  • BLOKART V-12 infeksiya simptomlarini bartaraf etishi mumkin (bosh ogʻrigʻi, yuqori harorat) va infeksiyani identifikatsiya qilish va davolash qiyin boʻlishiga olib kelishi mumkin. Agar Siz oʻzingizni yomon his etsangiz va shifokorga murojaat qilish kerak boʻlsa, Siz BLOKART V-12 qabul qilayotganingiz haqida unga xabar berishni unutmang.
  • Juda kam hollarda boshqa yalligʻlanishga qarshi preparatlar kabi BLOKART V-12  ogʻir allergik reaksiyalarni chaqirishi mumkin (toshma kabi). Shuning uchun ushbu reaksiyalar paydo boʻlsa, darhol shifokorga xabar berish lozim;
  • Agar Sizda fertillik bilan muommo boʻlsa, BLOKART V-12  fertillikka salbiy taʼsir koʻrsatishi mumkin, shuning uchun agar siz homiladorlikni rejalashtirayotgan boʻlsangiz yoki fertillikka test topshirmoqchi boʻlsangiz ushbu preparatni qabul qilmang;
  • Agar Sizda yurak yoki tomirlar  bilan muammo boʻlsa (yurak-qon tomir) yoki ilgari sizda shunga oʻxshash yurak–qon tomir simptomlari boʻlgan boʻlsa, bunday hollarda Siz va sizning shifokoringiz ehtiyot boʻlishi lozim va Sizning shifokoringiz bunday holatda nima qilish kerakligi xaqida tavsiyalar berishi mumkin.

 

BLOKART V-12 ni ovqat va ichimliklar bilan qabul qilish

Maʼlumotlar yoʻq.

 

Homiladorlik

Preparatni qabul qilishdan avval shifokor yoki farmatsevt bilan maslahatlashing.

Agar siz homilador boʻlsangiz yoki homiladorman deb oʻylasangiz oʻzingizni shifokoringizga xabar bering.

Agar real zarurat boʻlmasa, homiladorlik vaqtida BLOKART V-12 ni qabul qilish mumkin emas.

Boshqa yalligʻlanishga qarshi preparatlar kabi, BLOKART V-12 ni homiladorlikning oxirgi uch oyligida qoʻllash mumkin emas, chunki u tugʻilmagan bolaga zarar keltirishi mumkin yoki tugʻruq vaqtida muammolarga sabab boʻlishi mumkin.

BLOKART V-12 homilador boʻlishga qiyinchilik tugʻdirishi mumkin. Agar Siz homiladorlikni rejalashtirgan boʻlsangiz, yoki Sizda homilador boʻlishda muammolar boʻlsa, agar buning zarurati boʻlmasa BLOKART V-12 preparatini qabul qilish mumkin emas.

Agar davolanish vaqtida homiladorlikni sezsangiz, darhol shifokorga yoki farmatsevtga murojaat qiling.

 

Laktatsiya davri

Preparatni qabul qilishdan avval shifokor yoki farmatsevt bilan maslahatlashing.

Agar siz farzandingizni emizayotgan boʻlsangiz, shifokorga xabar bering.

Agar siz BLOKART V-12  preparatini qabul qilayotgan boʻlsangiz, emizishni toʻxtatish lozim, chunki bu bola uchun xavfli boʻlishi mumkin.

 

 

 

Avtotransportni xaydash va mexanizmlarni boshqarish

BLOKART V-12 preparatini qabul qilayotgan patsiyentlarda kam hollarda koʻrishni buzilishi, bosh aylanishi yoki uyquchanlik kabi nojoʻya reaksiyalar kuzatilishi mumkin. Agar Siz shunga oʻxshash reaksiyalarni sezsangiz, transport vositalarini boshqarish va mexanizmlarni ishlatish yoki eʼtiborni talab etadigan faoliyat turlari bilan shugʻullanish mumkin emas. Agar sizda shunga oʻxshash reaksiyalar kuzatilsa, darhol oʻzingizni shifokoringizga xabar bering.

 

BLOKART V-12 preparatining tarkibida mavjud boʻlgan ayrim yordamchi moddalar haqida maʼlumot

BLOKART V-12 benzil spirtini saqlaydi. Uni chala tugʻilgan va yangi tugʻilgan chaqaloqlarga buyurish mumkin emas. Benzil spirti yangi tugʻilgan chaqaloqlarda va 3 yoshdan kichik bolalarda toksik reaksiyalarni chaqirishi mumkin.

 

Boshqa preparatlarni qabul qilish

Agar Siz quyida keltirilgan preparatlardan birortasini qabul qilayotgan boʻlsangiz shifokoringizga xabar bering:

  • litiy yoki serotoninning qayta qamrab olinishining selektiv ingibitorlari (depressiyaning ayrim turlarini davolashda qoʻllaniladigan preparat);
  • digoksin (yurakdagi muammolar uchun qoʻllaniladigan preparat);
  • diuretiklar (siydik miqdorini oshirish uchun ishlatiladigan preparatlar);
  • boshqa yalligʻlanishga qarshi preparatlar (atsetilsalitsil kislotasi/aspirin yoki ibuprofen);
  • antikoagulyantlar (qonning ivishini kechiktiradigan preparatlar);
  • metotreksat (oʻsmalarning ayrim turlarini yoki artritni davolash uchun ishlatiladigan preparat).

Doimo shifokoringiz yoki farmatsevtga qanday dori preparatlarini qabul qilayotganingiz yoki yaqinda qabul qilgan boʻlsangiz, hatto ushbu preparatlar retseptsiz beriladigan boʻlsa ham xabar bering.

 

  1. BLOKART V-12 NI QANDAY QABUL QILISH KERAK

Shifokoringizning yoʻriqnomalariga qaʼtiy rioya qiling. Tavsiya etilgan dozani va davolash davomiyligini oshirmang.

 

Qoʻllash usuli va dozalash/davolash tez-tezligi va davomiyligi

Tavsiya etilgan dozadan oshirmang. Ogʻriqni nazorat qilish qobiliyatiga ega minimal dozani qabul qilish muhim, va BLOKART V-12  ni zarur boʻlgan dozasidan oshirmang.

Davolanishga boʻlgan reaksiyaga qarab shifokor dozani oshirishi yoki kamaytirishi mumkin.

Kattalar:

Kattalar uchun maksimal doza kuniga bir flakonni, uch kun davomida qoʻllashni  tashkil etadi, biroq ayrim hollarda ikkita flakon buyurilishi mumkin.

 

Qoʻllash usuli

Ampuladan shprisga erituvchini oling, flakondagi kukun bilan aralashtirib eritma tayyorlang va qovurgʻa bilan qorin orasidagi mushakka chuqur qilib yuboring.

 

Turli yosh guruhlari:

Pediatriya populyatsiyasi:

BLOKART V-12 ni bolalarga va oʻsmirlarga (18 yoshdan kichik) buyurish mumkin emas.

 

 

Keksa yoshli patsiyentlar:

Keksa yoshli patsiyentlar boshqa katta yoshdagi patsiyentlarga nisbatan BLOKART V-12 ning taʼsiriga koʻproq sezgir boʻlishlari mumkin. Madomiki, keksa yoshli patsiyentlar shifokorning yoʻriqnomalariga ehtiyotkorlik bilan rioya qilishlari va ogʻriq simptomlarini bartaraf etish uchun zarur boʻlgan minimal dozalarni qabul qilishlari lozim. Keksa yoshli patsiyentlar  har qanday nojoʻya reaksiyalar xaqida darhol shifokorga xabar berishlari juda muhim.

Agar BLOKART V-12 preparatining taʼsiri  haddan tashqari kuchli yoki haddan tashqari kuchsiz boʻlsa, shifokor yoki farmatsevt bilan maslahatlashing.

 

Agar BLOKART V-12 preparatini sizga tavsiya etilgandan koʻp qabul qilgan boʻlsangiz:

Agar siz BLOKART V-12 preparatining tavsiya etilgan dozasidan behosdan koʻp qabul qilgan boʻlsangiz, darhol shifokoringiz yoki farmatsevtga yoki shoshilinch tez tibbiy yordam punktiga murojaat qiling.

Sizga shoshilinch tez tibbiy yordam kerak boʻlishi mumkin.

Agar siz BLOKART V-12 preparatini koʻp qabul qilgan boʻlsangiz, shifokor yoki farmatsevtga murojaat qiling.

 

Agar Siz BLOKART V-12 preparatini qabul qilishni unutgan boʻlsangiz:

Oʻtkazib yuborilgan dozaning oʻrniga  ikki barobar dozani qabul qilmang.

Agar Siz BLOKART V-12 preparatini qabul qilishni unutgan boʻlsangiz, uni eslashingiz bilan kechiktirmay qabul qiling. Biroq, preparatni navbatdagi qabul qilish vaqti kelib qolgan boʻlsa, keyingi dozani vaqtida qabul qilish yetarli hisoblanadi.

 

  1. BOʻLISHI MUMKIN BOʻLGAN NOJOʻYa TAʼSIRLARI

Boshqa barcha preparatlar kabi, BLOKART V-12 preparatning komponentlariga yuqori sezuvchanligi boʻlgan shaxslarda nojoʻya reaksiyalarni chaqirishi mumkin.

Juda tez-tez uchraydigan nojoʻya reaksiyalar (100 kishidan 10 tasida uchraydigan):

  • bosh ogʻrigʻi;
  • bosh aylanishi;
  • koʻngil aynishi;
  • qusish;
  • diareya;
  • ovqat hazm qilishni qiyinlashishi;
  • qorinda ogʻriq, meteorizm;
  • ishtahani yoʻqolishi;
  • jigar funksiyasini oʻzgarishi (masalan transaminaza miqdori);
  • teri toshmasi.

Kam hollarda uchraydigan nojoʻya reaksiyalar (10000 kishidan 1-10 tasida uchraydigan):

  • noodatiy qon ketishi yoki qon quyilishlar;
  • yuqori harorat yoki tomoqda oʻtib ketmaydigan ogʻriq;
  • allergik reaksiyalar natijasida (toshma va qichishish bilan kechadigan) yuz, lablar, ogʻiz, tilni yoki tomoqni shishi. Ushbu reaksiya disfagiya va gipotoniyani (arterial bosimni pasayishi) va xushdan ketishlarni chaqirishi mumkin.  Hushtaksimon nafas olish va koʻkrak qafasini siqilishi hissi (astma simptomlari);
  • oʻtkir va kuchli bosh ogʻrigʻi, koʻngil aynishi, uyquchanlik, gapiraolmaslik yoki nutqni qiyinlashishi, falajlik (insult simptomlari);
  • qizil yoki purpurali teri (qon tomirlarning yalligʻlanish belgilari kuzatilishi mumkin); terida pufaksimon toshmalar; lablar, koʻz va ogʻizda pufaklarni hosil boʻlishi, terini kepaklanishi yoki bir vaqtda denudatsiya bilan yalligʻlanishi;
  • qorinda kuchli ogʻriq, qon bilan va qora ich kelishi;
  • gematemezis;
  • teri va koʻzlar rangini oqarishi (gepatit simptomlari);
  • siydikda qon boʻlishi, siydikda oqsil miqdorini oshishi, siydik ajralishini ahamiyatli darajada kamayishi (buyrak yetishmovchiligining simptomlari);
  • uyquchanlik;
  • qorinda ogʻriq;
  • yelka, qoʻllar, oyoq va tovonlarning shishi (shishlar).

Juda kam hollarda uchraydigan nojoʻya reaksiyalar (10000 kishidan 1 tasida uchraydigan):

  • adaptatsiyani buzilishi;
  • depressiya;
  • uyquni buzilishi;
  • tungi qoʻrquvlar;
  • jizzakilik;
  • ruhiy buzilishlar;
  • qoʻl va oyoqlarni sanchishi va uvishishi;
  • xotirani yoʻqolishi;
  • xavotirlik;
  • qaltirash;
  • taʼm bilish hissini pasayishi;
  • koʻrish va eshitishni buzilishi;
  • qabziyat;
  • ogʻizda yaralar;
  • qiziloʻngachda yaralar;
  • taxikardiya;
  • sochlarni toʻkilishi;
  • qizarish;
  • terida shishlar va pufaklarni paydo boʻlishi (quyosh nuriga yuqori sezuvchanlikning oqibatida kelib chiqadigan) kuzatilishi mumkin.

Agar Siz quyidagi nojoʻya reaksiyalardan birortasini sezsangiz oʻzingizni shifokoringizga xabar bering.

Agar siz ushbu ilova-varaqada taʼriflanmagan har qanday nojoʻya reaksiyalarni sezsangiz, bu haqida davolovchi shifokorga yoki farmatsevtga xabar bering.

 

Nojoʻya reaksiyalar haqida hisobot

Agar Sizda ushbu ilova-varaqada taʼriflanmagan har qanday nojoʻya reaksiyalar kuzatilsa, bu haqida davolovchi shifokorga, farmatsevtga yoki hamshiraga xabar bering.

 

  1. BLOKART V-12 NI QANDAY SAQLASH KERAK

25°S dan yuqori boʻlmagan, xona haroratida saqlansin.

Original oʻramida saqlansin.

Bolalar ololmaydigan joyda saqlansin.

 

Iltimos yaroqlilik muddatiga eʼtibor bilan qarang.

BLOKART V-12 yaroqlilik muddati oʻtganidan soʻng qoʻllanmasin.

 

Savdo litsenziyasi/qayd etish guvohnomasining egasi

GM Pharmaceuticals Ltd.

Manzil:  GRUZIYA, TBILISI sh., PONICHALA 65

telefon:  +995 32 2404801/02; 

Faks: +995 32 2404803

 

Ishlab chiqaruvchi

Mefar İlaç San.A.Ş.

Ramazanoğlu Mah. Ensar Cad. No: 20

Kurtköy/Pendik/İstanbul, Turkey (Turkiya)

 

Oʻzbekiston Respublikasi xududida dori vositalarining sifati boʻyicha eʼtirozlar (takliflar) ni qabul qiluvchi tashkilot nomi va manzili:

 “GMP” MCHJ vakalatxonasi, Oʻzbekiston Respublikasi, 100000, Toshkent sh.,  Mustaqillik shox koʻchasi, 75, tel: 141-03-73

Fikr qoldirish uchun tizimga kiring
Sizning e-mail:
Sizning Parolingiz:
Agar siz allaqachon saytimizda ro'yxatdan o'tgan bo'lsangiz, lekin parolingizni unutgansiz yoki tasdiqlash elektron pochta manzilini olmagan bo'lsangiz, parolni tiklash shaklidan foydalaning
KATALOG
Tepaga